janevjpg

Колумна на нашиот член Горан Јанев:

Републиката гори веќе две и пол децении. Не ја запалија хулигани и платеници, соросоиди и предавници! Републиката ја дават и газат политичките елити за остварување лични интереси. Републиката ја закопуваме ние граѓаните со нашето соучесништво во грабежот прифаќајќи да ги глодаме коските на господарите на нашата економија и на нашето јавно добро кои елитите си ги присвоиле без да не прашаат.

Републиката е во пламен од првиот ден на независноста, запалена и потпалена од нашите политичари и новонастанати газди. Републиката мора да го согори цело тоа ѓубре и да се роди прочистена од пламенот на бескрајната транзиција. Треба да согори во нас егоизмот, стравот, кукавичликот и апатијата и да станеме активни градители на републиката.

Треба да си го побараме назад нашето, јавното добро, општата ствар, РЕПУБЛИКАТА! И да дадеме од себе за да го има јавното добро, РЕПУБЛИКАТА!

Време е конечно да почнеме да ја градиме нашата заедница на рамноправни, еднакви, слободни граѓани! Слободни да негуваме и развиваме индивидуално изградени идентитети етнички, национални, сексуални, полови, граѓански, космополититски! Рамноправни пред правниот поредок еднаквоважечки за сите! Еднакви според права и можности да работиме, напредуваме и да бидеме соодветно платени и заштитени!

Целиот текст на следниов линк на Призма.